Bar entertainer, sikop sa buy bust operation

18

Detinado karon sa El Salvador Municipal Police Station ang 19 anyos nga dalaga human madakpan sa gihimong drug buy bust operation mga alas 9:30 kagabie sa Sinaloc, El Salvador City.

 

Ang maong operation giunhan ni Police Chief Insp. Alinor Mautante ubos sa pagdumala ni Police Supt Randy Anito.

 

Suspek nailang si Jamaica Alfeche, usa ka bar entertainer nga taga Zone 4, Molugan sa maong siyudad.

 

Matud ni Police Supt. Anito, dugay na nilang gisubaybayan ang suspek tungod kay naa man kini sa drug watchlist.

 

Nakuha sa posisyon sa suspek ang 500 pesos nga buy bust money, tulo sa sachet sa heat sealed cellophane nga dunay sulod crystalline substance, usa ka posporo, usa ka Samsung nga cellphone ug 20 peso bill.

 

Dugang pa ni Police Supt. Anito nga karong adlawa pasakaan sa kasong pagsupak sa R.A 9165 o Comprehensive Dangerous Drugs Act of 2002 ang suspect.

Facebook Comments