Kalibo Aklan – Kwarta ag cellphone rong nabuoe it mga manakaw matapos nga sudlon rong sangka Baraka kaina it aga-aga sa Brgy. Andagao, Kalibo, Aklan.
Sa panugiron ni Bebelyn Gumboc, nadiskubrehan na kaina it alas 4:30 rong aga-aga nga nagkaealhit ro anang gamit ag mga baligya.
Sa anang pag-usisa nadiskubrehan nga ro anang kwarta nga nagabalor it P 4,500 ag cellphone hay uwa eon.
Nadiskubrehan man rong samad nga bubong it anang baraka nga ginapatihan idto umagi ro mga manakaw.
Sa makaron padayun pa ro gina himo nga imbestigasyon it mga kapulisan sa nasambit nga insidente.
Facebook Comments
