Davao City – Hingpit nang gipatuman ang barangay anti-Violence Against
Women and Children (VAWC) desk sa Brgy. 37-D Trading Boulevard syudad sa
Davao. Gitug-an ni Brgy. 37-D barangay captain Rebecca Diong, dugay na ang
VAWC desk sa ilang barangay kaniadto pa apan wala lamang kini napatuman sa
mga kanhi mga barangay opisyal sa ilang lugar.
Sumala ni kapitan Diong, dako og ikatabang ang maong balaud ilabina sa
kabataan nga ginadagmalan ug asawa nga ginapasakitan sa iyang bana. Giklaro
usab ni Diong, dili lang ang barangay VAWC desk ang iyang napatuman kundi
tanang balaud nga makadepensa sa bulnerabling sektor sa iyang lugar iyang
gipagtuman.
Alayon niini, nanawagan ang kapitana sa brgy. 37-D ning syudad sa iyang mga
tagi-barangay nga gilayong moreport sa iyang buhatan kung adunay mga
problemang masinatian ilabina sa pamilya tungod kay dunay mga programa ang
gobyerno alang niini.
RadyoMaN Bernard Pantallon
