Davao City – Gibutyag sa Integrated Gender and Development Division (IGDD)
nga daghan na sa mga barangay sa dakbayan sa Dabaw ang nagmuntar og
Violence Against Women and Children (VAWC) Desk.
Matud ni IGDD head Lorna Mandin nga majority sa mga barangay sa siyudad
adunay kaugalingon nga VAWC Desk ug pipila na lamang ang wala pa.
Sumala ni Mandin, ang VAWC Desk sa mga barangay hitsas sa pasilidad alang
sa interview og 24 oras usab ang serbisyo sa mga officers niini alang sa
mulo sa mga biktimang kababainhan.
Segun sa opisyal, adunay kapasidad ang mga barangay sa dakbayan nga
magbaton og VAWC desk apan ang problema kuwang sa kahibalo ang mga officers
ug kuwang sab sa tawhay nga pasilidad busa pakyas sa programa.
Giingon ni Mandin nga pipila sa mga barangay VAWC Desk dunay sakto nga
kahibalo ang mga officers ug mga pasilidad mao ang mga Barangay sa
Buhangin, 76-A ug uban pa.
Nahimong kaabag ang IGDD sa pag-asister diha sa paglusad og regular nga
pagbansay sa mga barangay VAWC Desk officers diin ginapuno sila sa igong
kahibalo mahitungod sa balaod sa 9262 kansang ang tumong mao ang paghimo
kanila nga dangpanan sa mga giabusong kababainhan, matud ni Mandin.
Gipamugos ni IGDD head Lorna Mandin, importante kaayo sa barangay ang VAWC
desk kay mao kini ang insigida nga kasandigan ug kaduolan sa mga nakasinati
og psychological abuses sa mga partners.
Apan ang problema lang mao ang mga kababainhan nga magduhaduha sa
pagsumbong sa VAWC Desk busa dili dayon maaksyonan ang pagpangdagmal sa mga
bana ug partners kanila.
RadyoMaN Joel Viray
