Sa interbyu sa DXDC RMN Davao kang Police Major Catherine Dela Rey, Davao City Police Office (DCPO) spokesperson, Enero hangtod sa bulan sa Abril 2023, nakatala og 31 ka mga kaso sa rape cases ang syudad diin nanguna ang nasangpit nga barangay.
Samtang sa susamang period usab niadtong 2022, mokabat sa 57 ka rape cases ang natala sa syudad diin ang Barangay 76-A uban ang Barangay Leon Garcia ug Barangay Talomo ( Poblacion) maoy mga nag-una sa mga adunay tanag-upat ka mga kaso sa lugos.
Sumala ni Dela Rey, gikonsiderang alarming ang rape cases tungod kini gihapon ang numero uno sa walo ka mga focus crimes.
Busa kada istasyon sa kapulisan gimanduang pakusgan ang Oplan Kilos o “Kababainhan/Kabatan-onan/Kalalakin-an Igiya Laban sa Pagpanglugos” aron batukan ang rape ug sexual abuse sa syudad uban ang City Social Welfare and Development Office (CSWDO), Intergrated Gender Development Division (IGDD) ug Special Office for Children’s Concerns (SOCC).
RadyoMaN Aimee Guinita
