SYUDAD sang Iloilo – Ara na sa 60-70% ang compliance sang syudad sa clearing sang mga obstructions sa right of ways.
Suno kay Executive Assistant for Barangay Affairs Mr. Fernando Jose Rico, nagabulig man ang mga barangay officials sa pagtinlo sang ila nasakupan.
Subong man gin-ako ni Rico nga may ara gid nga mga barangays nga wala nagakooperar ang mga opisyal gani kinahanglan nila nga balik-balikon.
Particular nga gintumod ni Rico ang barangay Bolilao nga halos wala nagahulag ang mga opisyal sang barangay.
Paandam ni Rico, isubmit nila sa DILG ang ila report kag ang departamento na ang bahala sa mga wala nagatuman sang ila katungdanan.
Sa pihak sini positibo si Rico nga makumpleto nila ang clearing antes magtakop ang deadline sa katapusan subong nga bulan.//via Joel Franco reports
Photo via PSTMO
