Mas gitutukan karon sa Philippine Drug Enforcement Agency (PDEA) ang pagbutang ug mga drug reformatory center sa matag barangay dinhi sa Caraga region agig pagsunod sa kamandoan sa bag-ong PDEA Director General Aaron Aquino.
Gikompirma ni PDEA Information Officer Dindo Abellanosa nga nakadawat ang PDEA Caraga ug direktiba gikan sa nasudnong ahensya kabahin niini tuyu aron adunay padulngan ang mga drug surrenderess diha sa kabarangayan.
Sa bag-ong liderato ni PDEA Dir. General Aquino, nikambiyo ang ilang atensyon gikan sa subsub nga anti-drug operations ngadto sa subsub nga drug reformation.
Samtang padayung gimonitor matag kwarter sa ahensya ang gideklarang drug cleared barangay sa rehiyon aron masiguru kung nagpabilin ba gihapon silang luwas sa droga.
