General Santos City–Syento porsyento nang andam ang barangay bula sa umaabot nga kapistahan ni Sr. Sto Niño sa umaabot nga Enero 15 ning kasamtangang tuig.
Sumala pa ni Barangay Bula Kapitan Nicanora Vargas nga bag-ohay lang sila nahuman sa ilahang gipahigayon nga security conference uban ang Coast Guard, JTF Gensan, PNP ug uban pang force multiplier sa sa pakig-alayon Sa Parish Pastoral Council aron masiguro ang kahapsay ug kalinaw sa maong selebrasyon.
Basi sa nasabotan aduna matud pay ipahigayon nga road blocking ug magbutang ug mga rota alang sa mga sakyanan nga buot musulod sa Barangay Bula panahon sa kapyenstahan.
Samtang hugot usab nga gidili ang pagdala ug mga bag pack pasulod sa barangay Bula ingon man mga armas ug hait nga hinagiban.
Nanawagan usab si Kapitan Vargas ngadto sa mga deboto ug mga mamyesta nga musunod sa balaod aron walay kakulian, ingon man sa mga mag-inom nga dili lang magpatuyang ug dili magmaoy aron nga walay mamahimong problema.(Dave Silagan)
(Photo Credit to: City Councilor Vanvan Congzon)
