Molave, Zamboanga del Sur -Patay ang usa ka barangay kapitan human gipusil sa lungsod sa Molave sa probinsya sa Zamboanga Del Sur alas 2:00 kagahapon.
Giila ang biktima nga si Gerry Geromo, 40 anyos, nagsilbi nga kapitan sa barangay Miligan sa naasoy nga lungsod.
Sumala ni Kagawad Simon Camino, naa sa sulod nga bahin sa barangay hall niadtong higayona ang biktima kauban ang mga barangay official arun sa pagpahigayon sa meeting may kalambigitan sa pagsaulog sa kapyistahan sa ilang barangay.
Pagawas sa biktima sa barangay hall, sunod-sunod nga buto sa armas ang ilang nadungog diin wala damha nga si Geromo ang target sa mga suspek nga sakay sa duha ka motorsiklo.
Base insiyal nga imbestigasyon ang usa sa mga suspek nga sakay sa single motor ang mipusil pa sa nagbuy-od nga biktima sa makatulo nga higayon una mibiya sa lugar.
Blangko pa ang kapulisan sa pag-ila sa mga suspek ug gisuta usab motibo sa pagpamusil.
Nakuha sa crime ang mga basiyo sa bala sa calibre 45 nga pistola nga maoy gigamit sa mga responsable.
Mahinumduman nga sa tuig 2016, gitipi sa mga nakamotorsiklo ang punong barangay sa Miligan nga gipulihan ni Geromo.
Tuig 2017, duha ka konsehal sa maong barangay ang gipatay usab sa nakamotorsiklong lalaki.
