Barangay Carmen, nag-una pa gihapon sa dunay daghang aktibong kaso sa COVID-19 sa syudad

Nag-una pa gihapon ang Brgy. Carmen sa adunay daghang aktibong kaso sa COVID 19.

Gibutyag ni Dr. Ted Yu, Jr. ang Medical Officer sa City Health Office nga gisundan kini sa Brgy. Kauswagan, Balulang, Bulua, Iponan, Lumbia, Bugo, Macasandig, Patag, Lapasan ug Brgy. Gusa.

Mikabat na usab sa kapin tres mil ang aktibong kaso sa COVID-19 sa syudad.


Samtang, anaa na usab sa 414 ka mga empleyado sa Cagayan de Oro-Local Government Unit ang natakboyan sa COVID-19 sukad sa pagsugod sa pandemya.

Nasayran nga sa maong ihap, 45 niini ang aktibo; 366 ang nakarekober ug tulo ang natalang patay.

Giklaro usab ni Dr. Yu nga walay labot sa maong ihap ang mga empleyado sa J.R Borja General Hospital nga natakboyan sa COVID-19.

by: RadyoMaN Anne Jane Duhaylungsod

Facebook Comments