Midawat og ayuda ang kapin 1,300 nga mga benepisyaryo gikan sa lain-laing mga programa sa Department of Labor and Employment o DOLE kauban ang Overseas Workers Welfare Administration pinaagi ni DOLE Secretary Silvestre Bello, III.
Naa sa kapin 6.5 million pesos ang ayuda kung asa lakip niini ang BikeCINATION Program, Tulong Panghanapbuhay sa Ating Disadvantaged/Displaced Workers o TUPAD Payout, OFW Dependent Scholarship Program, Balik Pinay – Balik Hanapbuhay Program, Tulong Puso Program ug uban pa.
Gihimo usab ang turnover sa DOLE Integrated Livelihood Program kung asa lain-laing mga assistance ang gihatag sa pipila ka mga benepisyaryo alang sa ilang livelihood project.
Samtang, naa sa napulo ka mga establisemento sa syudad ang midawat usab og Safety Seal Certification gikan sa DOLE region 10.
Alayon niini, mapasalamaton si Cagayan de Oro City Mayor Oscar Moreno sa ahensya sa gobyerno nasyonal nga mitunol og tabang ngadto sa mga Kagay-anons ilabina nga pipila usab ang nawad-an og panginabuhian tungod sa pandemya.
