General Santos City–Gipusil-patay sa wala mailhing suspek ang usa ka barangay kapitan dinhi sa dakbayan sa GenSan.
Ang biktima nailang si Brgy. Dadiangas North Kapitan Arman Mejia, hamtong ang pangidaron nga residente sa Brgy. North ning syudad sa Heneral Santos.
Sa inisyal nga imbestigasyon sa kapulisan, alas 11 pasado ang takna sa gabii dihang nahitabo ang pagpamusil sa kapitan sa bulaong avenue samtang kini sakay sa iyahang motorsiko ug pauli na unta human nga nagpahigayon ug ronda.
Sa kasamtangan, padayon ang ginahimong imbestigasyon sa otoridad sa maong krimen kung asa lakip sa ilahang ginatutukang motibo mao ang trabaho niini isip kapitan.
Ginapanginkamutan usab sa kapulisan nga makakita ug testigo sa krimen o kung adunay mga cctv camera sa palibot nga makahatag ug dugang impormasyon sa pagsulbad sa krimen. (Lore Romualdo)
