General Santos City—Gilayon nga nagpatawag si Barangay Dadiangas South Kapitan Rock Garay ug special session sa Brgy. South council aron nga gilayong hisgutan ang ilang himuong aksyon kon tabang sa mga apektadong pamilya sa nahitabong sunog sa Prk Islam, Barangay Dadiang South ning syudad.
Sumala pa ni kapitan Garay nga gipatawag niya ang special session aron nga gilayon nila nga madeklara ang state of calamity sa Puok Islam aron nga Makuha ang 5 porsysnto sa calamity fund aron nga itabang ngadto sa mga nasunugan.
Samtang sa kasamtangan anaa nagpabilin sa evacuation center ang mga nabiktima sa south elementary school O Ereneo Elementary School.
Nakig-alayon usab ang barangay sa nanag-iya sa maong luna aron nga masayran kung tugutan ba sa tag-iya nga subling magtukod sa ilang panimalay ang mga nabiktima o dili na.(Dave Silagan)
