General Santos City—dapat lang nga mahinayon na gyud ang Barangay election karong bulan sa Mayo 2018 hilabi na dinhi sa Mindanao, kini sumala pa ni Gensan City Counselor Atty. Edmar Yumang.
Sumala pa sa konsehal nga angayan lang nga mahinayon gyud ang election sa Mindanao gumikan pila na kini kahigayon nga na-postpone.
Dugang niini nga base sa pahayag sa Comelec, mamahimo lang makansela ang election higayon nga may bahad sa terorismo ug magdeklara ang comelec o dili ba kaha maghimo ug balaod ang kongreso nag i-reschedule ang piniliay.
Gihingusgan pa ni Atty. Yumang nga mas maayo kung mahinayun ang election aron usab nga maka pili na ang katawhan sa ilahang gusto molingkod nga lider sa ilahang mga barangay tungod kay mag lima na matud pa sila katuig nga gihikawan sa ilahang katungod nga mupili ug bag-ong nga mga lider nga maoy mamuno kanila.(Dave Silagan)
