San Mariano, Isabela – Tuluy-tuloy parin ang kampanya na Barangay Fire Brigade Month sa bayan ng San mariano Isabela. Ito ang naging pahayag ni Senior Fire Officer 3 Jaymar Domingo, Fire Marshall ng BFP San Mariano Isabela.
Aniya, umiikot pa rin sa bawat 36 na barangay ang pamunuan nito para magbigay ng impormasyon, pag-inspeksyon at pagtuturo sa mga dapat gawin para makaiwas sa sunog.
Sinabi pa ni Fire Marshall Domingo na may mga nakatakdang araw sa bawat barangay upang makapagbigay ng kaalaman sa pag-iwas ng sunog lalo na sa panahon ng tag-init.
Paliwanag pa ni SFO3 Domingo na tinitingnan din nila ang mga buhul-buhol na linya ng koryente, mga lutuan lalo na kung gumagamit ng gasul at mga kagamitang dekoryente na pangunahing pinagmumulan ng sunog sa mga barangay.
Kasabay nito nanawagan si Fire Marshall Domingo na laging isaalang- alang ng bawat isa ang pag-ingat sa maaring pag-simulan ng sunog.
