READ! Tagsugdan na an duha ka adlaw na training sa mga maglangkob na Board of Election Inspectors sa Surigao City para sa nagsingabot na Brgy. ug Sangguniang Kabataan elections. Gatusan ka mga magtutudlo an mitambong sa Training na taghimo sugod kuman adlawa didto sa City Cultural Center. Sa bansay-bansay tagtudloan an mga BEI’s sa mga himoon sa dili pa an pagboto hangtud sa canvassing sanan pagdaya nan mga balota. Nahimong mamumulong ganina buntag an Provl. Election Officer na si Atty. Alvin Canta. Tagpakita isab didto an pipila ka videos na nagpakita sa instruksiyon sa mga angay ug dili angay himoon nan mga BEI’s lakip an mga aksiyon kon jaoy mga problema o sitwasyon na motumaw atol sa adlaw sa eleksiyon. Namahayag an Election Officer nan Surigao City Gina Taer, importante an amo na pagpailayom sa training sa mga BEI’s kay dako an responsibilidad nan mga ini para mahimong malampuson an piniliay sa umaabot na Lunes Mayo 14.
