Naka-lockdown usab karon ang barangay hall sa barangay saray gumikan sa usa nila ka barangay health worker nga nag-positibo sa COVID 19.
Matud ni Saray Barangay Kapitan James Alboro, ang ilang health worker adunay inahan nga nag-trabaho sa city health office kun asa nag-positibo usab sa COVID 19.
Nasa isolation unit karon sa barangay saray ang pito nila ka mga barangay health workers ug gipaabot pa ang resulta sa iyang mga kauban human sa pagpailalom kanila ug test.
Gani, sumala ni kapitan Alboro nga mi-request napud sila ngadto sa IATF nga mapailalom sila sa covid test aron masuta kun si kinsa kanila ang natakdan gikan sa ilang barangay health worker.
Sa pagkakaron, temporaryo unang sirado ang barangay saray ug walay bisan unsa mang transaksyon ilang dawaton tungod sa mismong barangay hall man sila nag-isolate karong panahona.
