PC: Divina Suson
Gipasiga na niadtong Disyembre uno sa mga taga-barangay Hinaplanon ang kapin 20 ka mga christmas tree, mga parol ug mga belen.
Gibuhat kini ug giplastar daplin sa national highway duol sa ilang barangay hall.
Iya-iya ang mga residente sa matag purok sa pagbuhat niini.
Matud pa ni Barangay Chairman Veronico Echavez, gawas nga buot nilang mosabay sa pagsaulog sa kapaskuhan, buot usab nila matud pa, nga bisan di pa siyento porsiyente, hinay-hinay nang nakabangon ang Hinaplanon gikan sa trahedya nga ilang nasinati human mihapak ang bagyong Sendong niadtong Disyembre 2011.
Dugang ni Echavez, duha ka Disyembre human masinati ang maong kalamidad, wala sila magbutang og bisan unsa nga simbolo sa pasko sa ilang barangay.
Kung kahinumduman nga kapit gatus ang namatay samtang kapin 400 anp missing sa ilang mga residente tungod sa maong panghitabo. (Divina M. Suson)
