Davao City – Gi-awhag karon sa Department of Interior and Local Government (DILG) ang mga local chief executives nga magtukod og Barangay Isolation Unit (BIU) gumikan sa 2019 Novel Coronavirus Acute Respiratory Disease (2019-nCoV ARD).
Sa interbyu sa DXDC RMN Davao kang Alex Roldan, Regional Director sa DILG-XI, gipasabot niini nga ang maong pasilidad kun isolation rooms gamiton alang niadtong gituohang nagbaton sa simtomas sa nCoV.
Segun ni Roldan nga obligado ang mga mayor nga manguna sa maong kamanduan pinaagi sa koordinasyon sa mga barangay officials ingon man sa Department of Health (DoH) aron sila magiyahan.
“They are encouraged to implement it, but ang pinaka importante is that obligado ang mga local chief executives, ang atong mga mayor nga maoy musentro niining tanan,” saysay ni Roldan.
Dugang sa opisyal nga mamahimong gamiton sa barangay ang ilang disaster fund alang sa maong proyekto.
RadyoMaN Kirby Manzon
