Barangay Kagawad sa CdeO, gipusil karong buntag

283
Sakyanan ni Kagawad Jonathan Joseph Borja PC: RadyoMaN Jao Gumapac

Daling midalikyat sa ospital ang usa ka Barangay Kagawad human gipusil mga alas 7:15 karong buntag sa 6-17th Street, Barangay Nazareth ning syudad.

Ang biktima mao si Barangay 3 Kagawad Jonathan Joseph Borja.

Hinoon, gibutyag ni SPO2 Joel Tare sa Macasandig Police Station nga naa karon sa maayong kahimtang si Kagawad Borja.

Nasayran nga daplis lamang sa agtang ang naangkon sa biktima.

Gibutyag usab ni Security Guard Allan Aranes sa Capitol University Medical Center nga si Kagawad Borja ra ang nagdrive sa sakyanan paingon sa maong ospital.

Sa karon gisuta pa sa mga otoridad ang motibo ug suspek sa maong krimen.

Facebook Comments