Davao City – Gilungkab ang usa ka establisemento sa mga wala mailhing kawatan diin natangag ang dakong kantidad salapi nahitabo pasado alas-10:00 sa buntag kagahapon didto sa Purok 9, Balete, San Rafael siyudad sa Davao.
Mipatala sa San Pedro PNP ang usa ka Louie Jay Abonales, 30-anyos, operation manager sa usa ka cafe ug residente sa nahisgutang lugar.
Matud pa atol sa pagduty ni Abonales, iya nalang nadiskubrehan nga abri ug guba na ang hunos nga gibutangan sa kwarta nga nagkantidad og P11,308.00.
Human sa hitabo walay nahimo si Abonales ug igo nalang sa pagsumbong sa presinto sa kapolisan aron usab niya paimbestigahan pinaagi sa pagpareview sa CTTV camera alang sa pag-ila ug pagkasikop sa suspek nga milungkab sa maong establisemento.
Samtang ang kaso giduso na sa investigation section sa maong buhatan.
RadyoMaN Don Pulayao
