Ubos na sa pagkadugta nga napalgan ang patay’ng lawas sa usa ka 49 anyos nga biktima didto sa brgy. Pinamanculan ning syudad sa Butuan.
Nawala sulod sa 4 ka adlaw ang biktima nga si Robin Caadlawon, 49 anyos, residenti sa lungsod sa Buenavista ug gipangita kini sa iyang pamilya.
Napalgan nalang nga walay kinabuhi ug ubos na sa pagkadugta ang biktima sa kasagbotan nga bahin sa brgy. Pinamanculan ning syudad diin ang biktima nagtrabaho isip caretaker sa Manggahan sa lugar.
Daling nagtawag ug kapulisan ang nakakita sa patay’ng lawas ug sa pagsuta sa mga otoridad walay nakitang foul play sa kamatayon sa biktima.
Sigun pa sa kabanay sa biktima nga kanhi na na-operahan si Caadlawon tungod sa sakit resulta sa mga bisto.
Ipaubos pa sa otopsiya ang patay’ng lawas sa biktima.
