Barangay kagawad nga nadakpan sa bulangan sa banwa sang CAuayan madugay na ginapaandaman suno sa Punong Barangay

17

Madugay na nga ginapaandaman sang Punong Barangay sang Brgy. Elihan sa banwa sang Cauayan, Kapitan Alejandro Gela Jr. ang barangay kagawad nga nadakpan sa bulangan nga untatan na ang pagpatigayon sini bangud ini ang illegal.

Suno kay PB Gela nga nagpabungol gid lamang si Brgy. Kagawad Jimmy Palanas tubtub ini siya nadakpan sang CIDG upod ang iban pa sa raid nga ginpatigayon sa Sitio Sabang, Purok 2, Brgy. Elihan.


Pahayag ni Gela, madugay na nga promoter sang illegal nga bulang si Palanas kag makapila ka beses naman ini nga ginsaway bangud isa siya ka opisyal sang barangay apang wala ini nagapamati.

Madumduman nga sa ginpatigayon nga raid sang CIDG, nadakpan ang amo nga barangay kagawad, isa ka barangay tanod kag siyam ka iban pa.

Pahayag pa sang Punong Barangay, atubangon na lang sang iya kagawad ang kaso bangud nakahibalo na ini nga illegal ang iya ginhimo bangud isa siya ka opisyal sang barangay.

[image: image.png]




Facebook Comments