Mag-tiyo dead on the spot matapos ginbunggu-an sang truck sa syudad sang Talisay

81

Dead on the spot ang mag-tiyo matapus nga ginbungg-an sang trucking sang Lopez Sugar Central Corporation sa Access Road sakop sang Hda. Busay, Barangay Efigenio Lizares, ciudad sang Talisay pasado las 3 sang hapon, Pebrero 13.

Ginkilala ang mga biktima nga sanday Allan Bedonia, 55 anyos, driver sang motorsiklo kag Rodrigo Bedonia, 22 anyos, ang backrider, lunsay residente sang Hda. San Antonio, Barangay Dos Hermanas sang amo nga ciudad.


Base sa dash camera sang salakyan nga nakakuha sang video sang aksidente, padulong sa sur nga direksyon ang truck sang nag-overtake ini sa tuo nga bahin sang isa pa gid ka truck nga iya ginasundan.

Didto kag ginbungguan sini ang motorsiklo nga ginasakyan sang duha.

Suno sa traffic investigator sang Talisay City PNP, ginkilala ang driver sang truck kay Jose Kenneth Verbo, residente sang Purok Zaragoza, Barangay Tinampa-an, ciudad sang Cadiz.

Sa karon yara na sa kustodiya sang mga kapulisan ang driver sang truck kag natalana nga pasakaan sang kaso nga reckless imprudence resulting to double homicide and damage to property.




[image: image.png]

Facebook Comments