General Santos City–Nakabsan gyud ug kinabuhi ang Barangay Kagawad sa Barangay Conel, Balut Island nga si Joe Saliang, 55 anyos kansa gipusil sa mga suspek sa may Big Margus, Glan, Sarangani Province niadtong nakalabayng simana.
Matud ni Muhalidin Saliang, anak sa biktima nga Sabado sa hapon dihang nakabsan sa iyang kinabuhi ang iyang amahan human sa pipila ka adlaw nga pagpabilin sa ospital.
Nasayran nga usa ra ka igo sa tyan ang naangkon sa biktima apan tungod may naigo nga vital organ niini, nahimong kritikal ang iyang kahimtang hangtud nga nahunusan gyud sa iyang kinabuhi.
Gibutyag pa ni Muhalidin nga wala may bingkil ang iyang amahan u gang mga suspetsadong gitumbok sa kapulisan nga responsable sa krimen.
Adunay nakabingkil ang iyang amahan tulo na ka tuig ang nakalabay apan nahuman naman ang maong problema human nga mibayad ug nakig-areglo ang iyang amahan.
Nasayran nga una nang gibutyag ni Police lt. Col. Teody Condesa, Spokesperson sa Sarangani Police Provincial Office nga gitudlong suspek sa krimen mao silang si Jakemar Bani , Ado bani, naher Samson ug Modares Samson, pulos residenti sa barangay Big Margus, Glan.
