San Pablo, Zamboanga del Sur – Gikustodiya na karon sa San Pablo Municipal Police Station lock-up cell ang usa ka Barangay kagawad ug lain pang sibilyan human kining nadakpan sa gikasa nga operasyon sa kapulisan.
Gilusad ang police operation sa Purok 3, Barangay Kundom, San Pablo, Zamboanga del Sur alas 2:00 kagahapon sa hapon nga miresulta sa pagsikop sa duha ka target.
.
Giila sa otoridad ang mga nadakpan nga si Julito Balatian (BrgyKagawad), 38 anyos, residente sa Barangay Lumbayao, San Pablo, Zamboanga del Sur ug Jovellar Neri , 30 anyos lumulupyo sa Barangay Kundom sa nahisgutan nga lungsod..
Armado ang kapulisan sa Warrant of Arrest dihang gi-aresto ang mga suspek nga nga nag-atubang sa kasong pagpatay nga gipagawas sa Judge sa RTC, 9thJudicial Region, Branch 19, Pagadian City.
Walay pyansa nga girekomenda ang korte bugti sa kagawasan sa mga dinakpan.
