Kasong rape ang atubangon sa usa ka barangay Kapitan human kini giaresto alas 10:20 ang takna sa buntag kagahapong adlawa.
Gi aresto sa tracker team sa kapulisan sa Station 1 ang Barangay Kapitan sa Brgy. San Miguel nga si Joel Jumawan, 42 anyos, minyo ug molupyo sa Permites Compound sakop sa maong barangay.
Si Jumawan ang dunay pending warrant of arrest nga giisyu ug gipirmahan ni Honorable Ali Balindong, Acting Presiding Judge sa RTC branch 1 ning dakbayan sa Iligan nga dunay petsang June 13, 2019.
Ang nasangpit nga suspetsado kasamtangang anaa karon sa detention cell sa Police Station 1.
No bail bond kun walay pyansa nga girekomendar ang korte labot sa maong kaso.
Facebook Comments
