Pito ka mga persona nga biktima sang prostitusyon, nasalbar sang CIDG-Capiz kag DSWD!

47

Roxas City, Capiz- Pito ka mga kababainhan ang natigayon nga ma-rescue sang mga katapo sang Criminal Investigation and Detection Group (CIDG-Capiz) kag City Social Welfare and Development(CSWDO) matapos nga ginkasa ang entrapment operation sa Elcid Bar ukon mas kilala nga Paradise Bar nga nahamtang sa Altavas Subdivision, Barangay Baybay, Roxas City.
Sa amo nga entrapment operation, natigayon nga madakpan ang floor manager sang nasambitan nga bar nga ginkilala kay Elcid Besana Dario nga nagaserbe nga bugaw sa nasambitan nga mga kababainhan.
Natigayon nga marekober sang operatiba ang 500 pesos nga marked money, cash nga nagalab-ot sa 7, 720 pesos kag isa ka condom nga wala pa mausar.
Suno sa impormasyon, halin ang nasambitan nga mga kababainhan sa pila ka mga probinsya kag gintanyagan sang maayo nga trabaho.
Sa subong yara na ang mga ini sa paghinakop sang “Poluy-an sang Pagpalangga” Crisis Center para sa nagakaigo nga counseling support kag intervention program.
Magapangatubang si Dario sang nagakaigo nga kaso.
photo(c)- Google map

Facebook Comments

From Advertisers