Barangay kapitan gipusil-patay

546

Davao City – Patay ang usa ka barangay kapitan human gipusil sa wala mailhing suspetsado dinhi sa Prk.Mabini Brgy. Coronobe Maragusan Compostela Valley kagahapon sa hapon.

Biktima giila sa pangalang Bobby Magandag, hamtong ang pangidaron, minyo ug barangay kapitan sa Brgy. New Albay lungsod sa Maragusan.

Sumala sa report sa Maragusan Police Station, nasayran nga nagmaneho og motorsiklo ang biktima gikan sa Maragusan padulong sa Brgy.New Albay apan pag abot sa nahisgutang lugar kalit kini giharang sa wala mailhing suspetsado ug gipusil sa makadaghang higayon gamit ang .45 nga pistola hinungdan sa iyang hinanaling kamatayon.

Padayon nga giimbestigahan sa kapolisan ang panghitabo aron mailhan ang mga suspek ug mapasakaan og kaso ngadto sa korte.

RadyoMaN Jules Catisay

Facebook Comments