Barangay kapitan patay sa pagmamusil sa lungsod sa Molave

Pagadian City – Patay ang usa ka Barangay kapitan human kining gipusil sa Purok Paglaum, Barangay Mabuhay, Molave, Zamboanga Del Sur alas 9:40 niadtong sabado sa gabii.
Naabtan sa mga niresponde nga kapulisan ang biktima nga nabuy-od nga wala nay kinabuhi tapad sa iyang motorsiklo.
Giila ang biktima nga si Teofilo Gulanin Niez Jr, 54 anyos, Kapitan Barangay Dontolan, Molave, Zamboanga Del Sur.
Sa inisyal nga imbestigasyon nasayran nga kauban sa biktima ang iyang kalive-in partner nga si Estrella Mislos Hinoqin, 39 anyos ug Barangay Records Keeper sa Barangay Dontolan, Molave diin nakahiagom usab sa daghanang igo pinusilan sa lawas.
Sakay matud pa ang mga biktima single motorsiklo dihang kalit nga nibutho ang wala mailang mga suspetsado nga sakay sa pula nga XRM motor ug gipamusil ang mga biktima sa makadaghan nga higayon.
Naglusad na og hot pursuit operation ang kapulisan sa lungsod sa Molave aron sa posible nga pagdakop sa suspek nga riding in tandem.
Gisuta pa sa imbestigador ang motibo sa maong pagpamusil.

Facebook Comments