Barangay Kapitan ug kauban nakuhaan og armas ug tooter sa checkpoint

Davao City – Gibalhog na sa Toril Police Station ang usa ka barangay kapitan ug kauban niini human naharang sa Sirawan checkpoint niadtong Huwebes (Agosto 11, 2022).

Sa interbyu sa DXDC RMN Davao kang Police Major Carol Jabagat, Station Commander sa Toril Police Station, giila niini ang nagpailang kapitan nga si Roldan Marpaga, 52 anyos, taga Sultan Kudarat ug kauban niining si Aldren Pagdilao, 36 anyos, taga Tagum City, Davao del Norte.

Saysay ni Jabagat atol sa inspekston, nasayrang dili awtorisado nga maghupot og pusil ang kapitan tungod walay gipakitang insaktong dokumento.

“Wala syay mahatag nga laing papeles. Ang naa lang sa iyaha is ‘yung iyahang expired nga license sa iyahang firearms,” sulti ni Jabagat.

Nadakpan usab ang iyang kauban human nakuhaan og tooter nga ginagamit sa paghithit og iligal nga droga.

Kasong paglapas sa RA 10591 kun Illegal Possession of Firearms ang atubangon sa kapitan.

RadyoMaN Kirby Manzon

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments