Barangay Manghanoy sa banwa sang La Castellanagin lockdown matapos may 20 ka katapo sang isa ka sekta ang nag positibo sa COVID-19

13

Ginlockdown ang Barangay Manghanoy sa banwa sang La Castellana matapos nga nagpositibo ang 20 na tanan ka mga katapo sang isa ka sekta nga nahamtang ang simbahan sa Barangay proper.

Ginpahayag ni Mayor Rhumyla Nicor-Mangilimutan nga sa karun inde mahimo makagwa ang mga pumuluyo bangud ginakunsiderar ang mga ini nga PUM.

Sa ginpatigayon nga close contact tracing 45 ka mga tawo ang ginpaidalom sa Swabtest, ini sila ang na close contact sang Pastor sang simbahan nga una nga nagpositibo sa masakit.

Sa nag guwa nga resulta sang swabtest 20 ka mga myembro sini ang positibo, 17 ang ginbutang sa quarantine facilities sang banwa kag tatlo ang gindala sa EB Magalona Healing center kag ini sila lunsay mga asypmtomatic.

Suno kay Mayor Mangilimutan nga sa karun may ginpahamtang nga mga frontliners sa Brgy. Manghanoy nga amo ang magabakal sang mga kinahanglanon sang mga pumuluyo, may checkpoint naman nga ginpahamtang sa mga boundaries sang Barangay agud wala sang makagwa kag makasulod.

Nagpain naman sang pundo ang banwa para makahatag sang mga foodpacks sa apektado nga mga pumuluyo subong man pang gasolina para sa mga frontliners, magluwas sina naghatag man sang bulig ang Gobyerno Probinsyal sa banwa.

Ginapangabay ni Mayor Mangilimutan ang mga pumuluyo nga magkooperar sa mga patakaran sang banwa kag sa mga ginapatigayon nga contact tracing agud maprotektahan ang mga pumuluyo nga inde na magdamo pa ang magkalalatnan sang covid-19.




[image: image.png]

Facebook Comments