Davao City – Dismayado si Brgy.Captain Lito Lapitan sa Barangay Tigatto human niyang gipadangat sa DXDC RMN Davao ang iyang reklamo kabahin sa gipang-apod apod nga mga tabang gikan sa gobyerno alang sa mga pamilya nga nabahaan sa iyang barangay.
Sumala ni Kapitan Lapitan, daghan pamilya sa iyang barangay ang wala pa makadawat sa maong tabang nga naa sa evacuation center ug mas daghan hinabang ang gihatag sa evacuation center sa Barangay Buhangin.
Gidugang ni Lapitan, aduna may madawat ang iyang barangay apan dili tanan pamilya matagaan tungod sa kadaghan sa mga namakwit.
Gipasabot sa opisyal, sa iyang barangay ang pinakadaghan nga naapektohan sa baha og kapin 3,000 ka mga indibidwal ang namakwit nga nagpabilin pa karon sa tulo ka evacuation center ug wala pa namalik sa ilang matag pinuy-anan tungod nibalik og saka ang level sa tubig sa Davao River gumikan sa sagunson nga pag ulan.
RadyoMaN Don Pulayao
Facebook Comments
