Barangay Poblacion, Dumalag, ginpaidalom sa Enhanced Community Quarantine ukon ECQ!

40

Dumalag, Capiz – Epektibo kahapon nga adlaw sang Huwebes, Setyembre 17, 2020 ginpaidalum na sa Enhanced Community Quarantine (ECQ) ang Barangay Poblacion sa banwa sang Dumalag.
Ini matapos ang pagpositibo sa COVID-19 sang pila sa mga residente nga nagapuyo sa amo nga barangay.
Sa idalom sang Executive Order Number 17 series of 2020 nga pirmado ni Dumalag Mayor Amado Eriberto Castro, Jr, magalawig tubtob sa Setyembre 30 ang nasambitan nga quarantine status.
Samatang may yara sang ginpahamtang nga mga border checkpoint paguha kag pasulod sa Barangay Poblacion, Dumalag.
Mahimo sa gihapon makaagi ang mga APOR ukon authorized persons outside residence kag ang emergency purposes sa ginpahamtang nga checkpoints samtang yara sa ECQ ang Brgy Poblacion, Dumalag.
Kun ang isa ka residente ang taga- Poblacion, ginabawalan ang mga ini nga makaguha sa barangay.
Samtang ang mga taga iban nga barangay nga luyag magsulod sa Poblacion ang pagtugotan kun essential goods ang kinahanglan nga baklon.
Sa mga nagapang-edaron sang 21 panubo kag 60 pataas gina-dumilian ang pagguwa sa ila nga mga panimalay lakip man ang mga galain ang pamatyag.
Gina-enganyo ang tanan nga ugalion ang pagsuksok sang face mask kag kun pwede pati face shield kag mag obserbar sang social distancing.

photo | Municipality of Dumalag FB page

Facebook Comments