GENSAN, DILI NA ANGAYANG IBALIK SA ECQ – SEC. LORENZANA

20

General Santos City– Dili na kinahanglan nga itaas pa ang quarantine level sa dakbayan sa Gensan. Kini ang gibutyag ni Secretary Delfin Lorenzana, ang labaw sa National Task Force Against Covid 19. Kini ang pahayag sa opisyal human sa paghidangat niini sa dakbayan sa Gensan kagahapong adlawa uban ang tag-as pa nga opisyal sa nasyonal nga nagatutok sa kaso sa covid 19 sa nasud.

Subay matud pa sa datus ug ihap sa mga nagpositibo sa Gensan, dili pa makonsidera nga alarming kung itandi sa ubang highly urbanized city sa nasud. Alang kaniya kung aduna may kinahanglang tutukan kini mao ang Gensan Fishport ug dili ang tibuok syudad gumikan subay sa contact tracing kasagaran sa mga uwaheng nagpositbo sa rehiyon ang adunay travel history sa General Santos City Fishport Complex.

Dugang pamahayag ni Secretary Lorenzana nga atol sa ilahang paglibot sa Gensan, masulti niya nga adunay maayong measures nga ginahimo ang lokal nga panggmahanan aron nga ma-contain ang pagkatag sa virus. Gidayeg man usab niini ang ihap sa isolation bed sa dakbayan sa Gensan nga usa sa iyahang gikakurat gumikan mas daghan pa ang isolation bed sa Gensan kung itandi sa ubang dagkong syudad sa kauluhan. Rason nga sa karon, dili pa kinahanglan nga ibalik sa Enhanced Community Quarantine ang syudad o dili ba kaha ibutang sa Modified ECQ.

Facebook Comments