Davao City – Gisugdan kagahapong adlawa, Pebrero 16, 2020 ang barangay road clearing operations subay sa kamanduan sa Department of Interior and Local Government (DILG).
Gibutyag ni Interior Secretary Eduardo Año nga adunay 75 diyas ang lokal nga gobyerno sa himuong pagpanghinlo sa mga tertiary roads gikan sa mga common obstruction lakip na ang illegally-parked nga mga sakyanan, sidewalk vendors, street dwellers, ug barangay outposts.
Sa datus, miabot sa 6,899 ka mga dalan ang nahinloan sa tibuok nasud sa mga obstruction ug illegal structures sa milabay nga tuig, 2019.
Kahinumduman nga gisugdan ang maong proyekto sa milabay nga tuig isip tubag sa order ni Presidente Rodrigo Duterte nga mahinloan ang mga dalan nga maoy hinungdan sa huot nga dagan sa trapiko.
RadyoMaN Kirby Manzon
