Dead on Arrival ang Barangay Secretary matapos bun-on sang iya anay live-in partner sa sulod sang ila balay sab Barangay Little Baguio, Surallah, South Cotabato alas 8:20 kagaina sang aga, Hunyo 23, 2020 .
Ginkilala ang biktima kay Letesia Dizon, 23- anyos barangay secretary kag residente sang nasambit nga lugar, samtang ginkilala naman ang suspek kay Ruzel John Calibayan, legal ang pang-edaron kag anay live-in partner sang biktima.
Sa exclusive interview sang RMN Koronadal kay Police Major Romy Castañares, Hepe sang Surallah MPS, ginbuno sang suspek ang biktima bangud sa tuman nga “SELOS” bisan pa nga nagbulagay na sila.
Apat ka buno sa wala nga dughan ang naangkon sang biktima nga nangin tunaan sang iya hinali nga kamatayon, samtang ang suspek imbes nga magpalagyo ginbuno man sini ang iya kaugalingon tubtub sa mapatay.
Dugang pa ni Major Castañares, may settlement na nga natabo sa barangay nga bulagan sang biktima ang suspek kag nagpablotter pa sa Surallah MPS ang biktima bangud sa mga pagpamahog sang suspek bag-o pa natabo ang insidente.
Nahibaluan nga may lima ka tuig nga bata ang biktima kag suspek
