TACLOBAN CITY – Dako an posibilidad nga madayon an 2018 Barangay and SK Election, ini in sumala kan COMELEC Regional Director Nick Mendros.
Pahimatngon han opisyal nga may na-exister nga balaod nga nagmamandar nga mayada mananabo nga eleksyon ha Mayo 14, 2018 ngan waray pa man na-aprobahan nga balaod nga postponement in magpapadayon an pangandaman han COMELEC.
Dugang pa han opisyal, haros kadam-an na nga mga Election offices ha kada munisipyo ha bug-os nga Eastern Visayas in tapos na ha pag print han mga list of voters ngan as of February 27 kakulop in 32 nala nga mga munisipyo an diri pa tapos.
Tapos na gihapon an mga election officers ha pagtudlok han mga members of electoral board, barangay board of canvassers nga magdudumara han election ngan sugad man an pagbuhat hin conference ngan voters information campaign ha kada barangay.
Magdudumara gihapon an COMELEC hin inventory han mga ballot boxes agud masabtan kun pira pa an ginkikinahanglan.
Samtang magtitikang an filing of certificate of candidacy ha tikaarabot nga Abril 14-ngadto ha Abril 20, 2018 ngan magtitikang an campaign period ha Mayo 2 ngadto ha Mayo 12.
Ginpasabot naman han opisyal nga diri na lakip ha requirements an drug test result para han mga makandidato ha tikaarabot nga eleksyon.
