Barangay Tanod, ginhatok-hatok it eabo ag buno ko anang kainuman, suspek nag self defense eamang

Balete, Aklan – Ginhatok-hatok it pag-eabo ag may tama pa it pagbuno rong sangka Barangay Tanod matapos nga gin-eabo ag ginbuno ko anang kainuman kabii sa Brgy. Guanco, Balete, Aklan.
Ro biktima nakilaea kay Ronie Zapico Sarandin, 48-anyos samtang rong suspek nakilaea kay Robert Selverio Dela Cruz, alyas “Panoy” 27-anyos tanan residente it nasambit nga lugar.
Sa pakikipag-angot it RMN News Team kay PSSgt. Jameo Mondia, imbestigador it Balete PNP nga kabii mga alas 9:20 hay nag abot si Hon. Joel Zonio Punong Barangay it Brgy. Guanco sa andang opisina kaibahan ro anang mga tanod ag daea nanda rong suspek.
Insigida nana gin imbestigahan rong suspek ag nag sugid nga naka eabo raya it ana man mismong kasimaryo. Dikara rayon gin impormahan rong suspek it anang saea ag gin detain sa lock up cell.
Dayon nga nag-adto sanda sa crime scene kaibahan man gihapon ro mga Tanod ag si Hon. Zonio. Samtang nagapamaktason sanda ag bago pa man makaabot sa baeay it suspek hay gin turn over kanda ko asawa it suspek rong sanduko nga gin gamit sa krimen nga may mga dugo pa ro tagob ag naga haba it mga more or less 24 pulgadas.
Nag deritso eon rayon sand sa area ag anda nga nakita rong biktima nga nagahamyangon, puno it dugo may tama it page abo ag pagbuno sa sari-sari nga parte it eawas ag uwa eon it kabuhi sa medyo banglid nga parsyon it lugar kung sa siin naka recover sa bangkay rong siyaw nga nakasukbit sa anang hawak.
Nagpatigayon pa gid rayon sanda it imbestigasyon sa lugar ag nakakita eoman sanda it sanduko mga 20 meters ro kaeayuon sa bangkay nga ginapatihan nanda ana ko biktima nga naga haba man it mga 29 pulgada.
Sa andang pag-usisa pa gid, nasayuran nanda basi kay Randy Cuadrante nga rayang biktima ag suspek hay nag inuman mismo baeay ni Randy nga mga alas 6:00 it gabii sanda nag-umpisa ag mga alas 8:00 hay nagdisisyon nga mag ueoli eon.
Base kay Randy hay uwa gid it mga natabong pagsangag, diskusyon ukon kumosyon sa anang baeay samtang naga inuman.
Tag pag-uli eon it bikitma ag suspek hay nakibot eamang ro mga tawo man sa lugar nga sanda ra nag silinggitan ag nag-aeayatan. Nasayuran man it mga pulis nga ro daean it suspek ag biktima hay siparado ag sigidas ro aeayatan.
Sambilog pa gid sa mga nabue-an it impormasyon ni PSSgt. Mondia hay rayang si Regie Cuadrante nga maeapit man ro anang baeay sa natabuan kung krimen.
Suno kay Regie nahabatian man nana rong sigidas nga pagsilinggitan ko daywa ag ginapamatyagan nana nga nagapaeapit nga nagapaeapit sa anda rong limog hasta umabot sa prente ko anang baeay. Angan-angan suno kana hay naduea rong mga limo gag kumo nahadlok man imaw mag guwa hay ko ulihi mga nagadinaeagan eon lang ro anang nahabati-an nga sa anang pagpamatyag nagalinagsan eon.
Maangan-angan naduea eon man rato ag mga singko minutos nakataliwan nabatian nana rong suspek nga una sa prente ko anang baeay nga nagatawag kana ag nagapangayo it bulig n ga kung pwede imaw buligan nga asistihan paadto sa police station ay nagkaeabo imaw.
Pero sa pagling-ling ni Regie nakita nana nga may buyot nga sanduko rong suspetsado ag ginpunggan ra imaw nga mag guwa ko anang pamilya bangud man sa kahadlok ag ginhambaean eon lang ni Regie rong suspek nga mag-uli ag pumanaw mat-a raya.
Pero imbes nga mag uli raya hay nag-adto imaw sa tanod nga mga more or less 100 meters ro baeay sa natabuan kung krimen ag idto imaw nagpangayo it bulig nga magpaiba sa pulis bangud ko krimen.
Base sa pag usisa ni PSSgt. Mondia sa eawas it biktima nakita nana nga may tama raya sa waeang alima, may daywa ka tama sa tuo nga alima, may igo sa tuo nga pa-a ag may binun-an man sa tuo nga kilid.
Ginapanan-aw ni Mondia nga patal rong mga tama nga kon uwa man imaw namatay sa anang mga tama hay namatay man imaw sa “loss of blood” bangud nga maeapit sa nakitaan kung bangkay hay grabe rong dugo nga nagakalat.
Rong suspek hay uwa it lastro apisar nga pareho sandang armado.
Sa pag analisar ni PSSgt. Mondia nga haunahan it eabo rayang biktima ko suspek nga inigo sa butkon, mabaeos kunta ugaling pinasundan pa gid sa butkon ag nag attempt eon nga maeagiw kung sa siin linagas pa git imaw it mga 20 meters ag idto imaw natumba nga uwa eon nakabaeos.
Sa makaron hay igapaidaeom pa sa post mortem examination ro bangkay it biktima ag posible pa gid rong autopsy examination kon magsugot ro pamilya.
Padayon pa makaron raya nga gina imbestigahan it Balete PNP ag gina preparer rong kaso nga murder ukon homicide.
PAGPAHAYAG IT SUSPEK:
Suno kay Robert Dela Cruz nga naga inuman sanda kabii ag naga istorya parte sa panguma kumo imaw hay operator it turtle sa eanas.
Samtang naga inum sanda uwa na masayuri kon ano ro sumueod sa isip it biktima nga daywang beses raya mag guwa-sueod ag nag-ihi. Sa permirong sueod it biktima matapos it ihi hay siyaw ro anang ginbuoe ag pangaywang sueod eoman tapos it ihi hay bumuoe eoman raya it sanduko nga mahaba ag binutang sa likod.
Naghambae suno kana rong taga-ana it baeay (asawa ni Randy) nga mana kol hay ayaw mana mag gamit it mga mataeom ay syempre mahadlok ro mga unga.
Ko ulihi gumuwa rayang biktima ag gin-ayat nana ako ag gumuwa. Pero bago pa man raya hay nagawinakae rong biktima nga matsa ginapakita na gid nga maisog imaw pero gina eain it suspek ro istorya ay uwa imaw suno kana naila it sangag.
Umuna it uli rong suspek bangud nga nahuya man imaw sa tagbaeay ag nabatyagan na matsa gina planuhan imaw it biktima.
Tag nagapauli man eon ro suspek hay pumanaw man ro biktima ag mauli man ag ko ulihi hay batian ta it suspek nga nagasilininggit ro biktima ag nagalinuyaw ag matsa imaw ro gina usoy at ginlinagas.
Nabati-an it suspek ro singgit nga “Panoy mana, kon maisog ka maliya!” Kumo uwa imaw it sanduko hay umuli raya it dali-dali ay ginaeagas imaw hasta gid sa andang baeay ag bumuoe man it sanduko ag anang binalikan.
Nakita na nga may daeang siyaw ag sanduko ro biktima pero uwa pa imaw anay magsukoe, dumaeagan imaw ugaling nahadusmo raya ag humaplak.
Paghaplak na hay gina eabo kunta imaw it biktima ugaling masanaaw ro buean ag kita na hay nakalikya imaw, paglikya na inunahan na eon dayon it eabo ro biktima bangud nga gabot man eagi ro anang sanduko.
Inigo ro bikitma sa anang butkon it makaywang beses ag nga naging dahilan para mabuhian na rong sanduko ag may natabo pang dueomugan kanda.
Matapos rong insidente suno kana hay nagpabulig imaw sa barangay tanod.
Ro ana malang suno kana hay “self defense” man lang ay kon uwa na maunahi hay basi imaw pa ro nadisgrasya ag maintok pa ro anang mga unga.
Gin-ako man nana rong krimen ag ana man nga ginahinuesuean.