Barangay tanod gipusil-patay

617

Davao City – Nag buy-od ug nagkulob sa iyang kaugalingong dugo ang usa ka barangay tanod human kini gipusil-patay sa Purok Singko Barangay Talas Davao del Sur pasado alas 11:50 sa udto adlawng martes.

Si SPO1 Raymund M. Prieto, imbestigador sa Sulop Police Station nag ila sa biktima nga si Jayme Cabansag Onsines, 45 anyos residente sa Purok 5 Barangay Talas Davao del Sur.

Saysay pa sa imbestigador nga samtang naa ang biktima sa Purok 5 unahang bahin sa iyang panimalay kalit kini giduol sa mamumuno ug gipusil ang biktima.

Ang biktima nakaangkon og upat ka pinusilan sa ulo ug abaga nga bahin hinungdan sa iyang kamatayon.

Human sa krimen yanong miiktad ang suspek sa wala na masubay nga direksyon.

Nakuha sa crime scene ang upat ka basyo sa balang punto 45 nga maoy gi ingung gamit sa mamumuno.

Personal nga bikil ang gitan aw karon sa mga awtoridad samtang wala pay matudlong suspek sa nahisgutang pagpamusil.

RadyoMaN Erin Lumosbog

Facebook Comments