Imong Kapalaran Karong Adlawa, Martes, Septyembre 4, 2018!

Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.

ARIES: (Marso 21-Mayo 19) – Kung sa imong tan-aw na makaayo para kanimo, ayaw kabalaka kung unsa ang masulti sa mga tao sa imong palibot. Kitang tanan adunay katungod nga mubarog nga indibidwal.

TAURUS: (Abril 20-Mayo 20) – Panahon na sab nga ihatag nimo kanila ang pagsolbad sa problema nga ikapila na nimo nalagpasan, dili sab sakto nga ikaw nalang pirmi.


GEMINI: (Mayo 21-Hunyo 21) – Ayaw kahadlok mugama ug bag-ong pamaagi aron makatabang sa lain tao, bisan pa dili nila gusto ang imong ideya. Makita ra nya nila ang ka-epektibo niini.

CANCER: (Hunyo 22-Hulyo 22) – Mga panghitabo na maakusab sa imong pagtuo nga sama ra mo ug gibati sa usa ka tao. Kini ang panahon nga abrihan ang kumonikasyon alang sa tinud-anay nga pakighimamat kung unsa ang inyong tinuod nga gibati.

LEO: (Hulyo 23-Agosto 22) – Kinahanglan maghinay-hinay sa paghatag karon panahon, dili sab pasabot nga undangon nimo. Apan kini ang takda nga maghunahuna ka ug balansehon ang mga pabor nga imong ginapaiog.

VIRGO: (Agosto 23-Setyembre 23) – Mutaas atong kumpyansa kung makita sa uban tao ang imong bili. Di man ka mahatagan ug pasidungog sa imong mga nabuhat sa karon apan kani hapit na mausab. Mutin-aw na ilang pagtan-aw karon kanimo kini mahitungod sa responsibilidad nga imong nabuhat alang kanila.

LIBRA: (Setyembre 24-Oktubre 23) – Naa kay mga kaysapanan nga nahitabo sa imong adlaw karon para sa usa ka unta ka butang nga dugay ra unta nimong gipangandoy. Apan di ka angay magoul kay mga pagsulay ranang mga hitaboa. Normal raman gyud nang masayop ta kay walay perpekto aning kalibutana.

SCORPIO: (Oktubre 24-Nobyembre 22) – Naay mga panghitabo sa imong adlaw karon nga nabagohan ka. Wala ka maanad kay tungod adunay daghang kausaban sa imong palibot. Suwayi usa before ka mo judge sa usa ka butang. Og sa kinalasan makarealize ka nga naa gyud diay kalambuan komparar sa niagi. Mao nay sakit nato usahay, mo reklamo dayon bisag wala pata mahibalo kung unsa gyud kahay pasabot sa usa ka panghitabo.

SAGITTARIUS: (Nobyembre 23-Disyembre 21) – Ang kinabuhi murag rubiks cube, libog gyud og lisud pud sulbaron. Pero maabot gyud ang saktong panahon nga imo kining masulbad ra. Walay mga pagsulay nga ikaw hayahay. Moagi gyud kag kalisud before nimo mahibaw-an kung unsa gyud kahay solusyon sa mga problema.

CAPRICORN: (Disyembre 22-Enero 19) – Naay mga situation nga ikaw dili gyud ma impluwensya. Apan naay mga sinyales nga kinahanglan nimo usbon ang imong pamatasan para imo ning masulbad ang tanan. Kinahanglan ka og taas nga pasensya og labaw sa tanan, tagaan gyud nimo og hugot nga pagsalig ang imong kaugalingon.

AQUARIUS: (Enero 20-Pebrero 18) – Naay mga pagusab nga mahitabo sa imong kaugalingon karon. Posible ni sa imong batasan o giunsa nimo pagdala ang imong kaugalingon. Apan dapat ka magpasalamat kay tungod niana, dako na og tabang para sa imong kaugalingon. Bahalag bisag unsa ang mausab, basta ayaw lang usba permi ang imong uyab.

PISCES: (Pebrero 19-Marso 20) – Usahay, makasaway gyud ta sa usa ka tao. Makapanglibak ta nila kay tungod sa ilang bati nga batasan o usahay pud mo appreciate ta sa ilaha. Pero karong adlawa, makita gyud nimo kung unsa gyud siya nga pagkatao pamaagi sa inyong panagtabi. Pero ayaw palabi og tabi anang tawhana kay basin nalimot ka nga naa kay gilung-ag sa inyoha.

Mao kadto ang atoang LeenoWag Horoscope alang sa adlaw nga Martes, Setyembre 4, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com. (Sinulat ni DJ Leeno Gaw ug Boss Luwag)

Facebook Comments