BARANGAY TANOD, MUERTO NA INSIDENTE DE TIRO NA RECODO

35

Muerto el un Barangay Tanod desfues coneste tira el desconosido suspechao ayer na Barangay Recodo.
Asegun na report del Ayala Police Station, el victima si Jolito Malinao y Martizano, de Zone 1, Tulungatung, donde antes el incidente, el victima ya endereza na casa de Jun Del Campo y Plasabas na Purok 8, Dacon Homes, Barangay Recodo para man remit con el su collection del Small Town Lottery (STL) cuando ya atraca ya lang bigla el desconosido suspechao y ya anda tira con el el victima usando calibre 45 pistola. Cingco tupada de bala ne cuerpo ya sustene el victima que ya causa el su insiguidas muerte.
Desfues del soceso, ya escapa el suspechao para na desconosido direccion. Ya fuede engcontra el otoridad cingco basiyo de bala y dos slugs del pistola na lugar del incidente. Ta pricura pa determina el policia de Ayala si cosa el motivo y el identificaccion del suspechao. – *Bhong Simbajon/RMN News*

Facebook Comments