Patay sa pamamaril ang isang barangay tanod ng Brgy Mahongkog sa bayan ng Magpet sa lalawigan ng Cotabato pasado ala singko ng umaga kanina.
Kinilala ang biktima na si Nilo Ramos, 46 anyos may-asawa, isang Brgy. Tanod sa nasabing lugar. Sa report ay nasa loob ng kanilang bahay ang biktima ng sumalakay ang mga hindi kilalang kriminal at dito na narinig ang putok ng baril hanggang sa matagpuang nakahandusay na ito sa sahig at wala ng buhay. Meron itong dalawang tama ng bala ng baril sa kanyang dibdib na nagsanhi ng kanyang kamatayan. Hindi pa batid ng pamilya ang motibo sa pamamaril sa biktima.(Amer Sinsuat)
Facebook Comments
