Usher sa Bajada sikop

Davao City – Temporaryong gikustodiya sa San Pedro PNP ang usa ka usher sa sugal nga lastwo.

Giila sa kapulisan ang usher nga si Manalo Galano Tayo, 58 anyos, taga Brgy. 19-B Garcia heights ning siyudad sa Davao.

Matud pa sa report sa San Pedro nga gisumbong kini sa usa ka concerned citzen nga nagapataya og lasto sa nasangpit nga lugar ang dinakpan.


Sa mao nga report dali nga naglusad og anti illegal gambling operation ang kapulisan sa San Pedro nga gipangunahan ni PCI Ramil Macarampat.

Bandang alas 3:00 sa hapon kagahaon, miabot ang kapulisan ug didto na gitay-an sa nagpaka aron ingnon nga sakop sa kapulisan ang usher ug gidakop gilayon kini human sa ilang transaksyon tungod kay nakuhaan og basehan sa otoridad.

Nakuha gikan sa suspek ang mga illegal gambling paraphernalia ug bet money nga 200 ka pesos.

Kasong kalapasan sa Republic Act 9287 kun Anti Illegal Gambling ang ipasaka batok sa dinakpan.

RadyoMaN Paul Canono

Facebook Comments