Davao City – Patay ang usa ka barangay tanod human pusila sulod sa iyang panimalay sa wala pa mailhing suspek samtang padulong manihapon.
Ang biktima mao si Julius Jakosalem, 47 anyos, ulitawo ug barangay tanod sa Barangay Aplaya sa Digos City.
Sa imbestigasyon sa Digos City Police Office nga gipusil ang biktima sa suspek alas 5:40pm makaduha ka higayon nga miigo sa iyang bukton nga milapos sa iyang kilid sa tiyan ug sa ulo nga bahin nga miresulta sa iyang kamatayon.
Human sa pagpusil patay yano ra usab misakay ang suspek sa XRM nga motorsiklo nga wala maklaro ang plate number padulong sa wala na matino nga direksyon.
Ang SOCO nakakuha og duha ka basiyo sa .45 nga pistola samtang ang Digos PNP padayong naghimo sa imbestigasyon aron maila ang mga suspek ug pagtumbok sa motibo sa krimen.
RadyoMaN Erin Lumosbog
