Kini ang gipadangat nga mga kasayuran gikan sa Malaybalay City Comelec Office atol sa pagpahigayon sa regular session sa Sangguniang Panglungsod (SP) sa milabay nga simana pinaagi ni Atty. Danilo Dividina nga mao karon ang kasamtangan nga Election Officer sa dakbayan.
Giklaro niini nga pormal magsugod ang election period sa bulan sa Agosto 28 diin diha nga higayon ipatuman na sa maong buhatan ang mga comelec check point sa mga kadalanan ug pag implementar sa Gun ban nga mulungtad hangtud na sa Nobyembre 2023.
Subay sa maong kasayuran, giklaro usab nga ang Filing sa certificate of candidacy molungtad lamang sa unom ka adlaw diin pormal usab kining buksan sa Agosto 28 hangtud sa Setyembre 2 lamang.
Samtang gihatagan usab sa 10 ka adlaw nga pweding mangampanya ang mga boot magpapili ug posisyon sa mga barangay ug sa Sangguniang Kabataan diin sugdan usab kini sa Oktobre 19 hangtud sa pitsa 28 sa susamang bulan.
Samtang gi klaro sa maong buhatan nga ang election day mahitabo sa Oktubre 30, 2023.
