Davao City – Malampusong gipahigayon ang Barangayan Serbisyo Publiko niadtong adlaw’ng Sabado February 3, 2024 sa Brokenshire School ning dakbayan sa Davao nga gitambungan ni Davao City Mayor Sebastian “Baste” Duterte kauban ang nagkadaiyang ahensya sa lokal nga panggamhanan sa Davao.
Mga serbisyong gidalit sama sa Family Planning kauban ang mga personahe sa City Health Office (CHO), City Veterinarian Office (CVO) ug City Transport and Traffic Management Office (CTTMO).
Sa pamahayag ni Mayor Baste, ginahimo na sa una ang Barangayan Serbisyo Publiko, aron maserbisyohan ang katawhan Dabaweños ilabi na sa mga nagpuyo sa mga lagyong Barangay sa syudad.
Gi-awhag usab sa Mayor, basin adunay moadto sa mga kabarangayan nga motabang tungod sa kalamidad og magpaperma mas maayo susihon una pag-ayo, una moperma kay basin paglingla na usab kini ug gamiton alang sa People Initiative (PI).
RadyoMaN Don Pulayao
Facebook Comments
