KALIBO, AKLAN –Uwa eon makapalag pa rong sangka barbero matapos nga maaresto sa ginpatigayon nga buy-bust operation kaina it aga-aga sa Brgy. San Isidro, Ibajay, Aklan.
Nakilaea rong suspek nga si ALDWIN ANDRADE, 39-anyos ag residente it nasambit nga barangay ag ginakabig sangka street value target it mga otoridad.
Ginpatigayon ro nasambit nga operation ko mga taga Provincial Drug Enforcement Unit (PDEU), Ibajay MPS ag Philippine Drug Enforcement Unit (PDEA) kung sa siin nabuoe sa posisyon it suspek rong sangka sachet it ginapatihan shau ag buy-bust money nga naga balor it 500 pesos.
Samtang sa ginpatigayon nga body search sa suspek nabuoe pa gid ro dugang nga tatlo ka mga sachet it ginapatihan man shabu.
Nasayuran nga nauna eon nga nag surrender sa Oplan Tokhang ro suspek ag uman nga nagbalik sa pagbaligya it illegal nga droga sa banwa it Ibajay.
Mabuhay eon man nga gina monitor it mga pulis rong hueag ni Andrade.
Kulong makaron rong suspek sa lock up cell it Kalibo MPS ag magapangatubang it kasong pagbayolar sa RA 9165.
