Davao City-Tanang mga point of convergence ilabina na sa San Pedro Square diin himuon ang grand performance sa Indak Indak sa Kadayawan bantay sarado sa libuan ka mga kapulisan, kasundaluhan ug tanang mga security forces dinhi sa dakbayan.
Gipaniguro ni Davao City Police Office Director PSSUPT. Alexander Tagum nga doble pa ang ihap sa mga kapulisan diha sa kadalanan nga gabantay aron di makahigayon ang mga kawatan ug mga dautang elemento nga musiaw samtang nalingaw ang mga tao sa mga performance sa Indak-indak.
Sumala ni Tagum nga duna sab silay gihimong counter measure aron musubli ang susamang insidente nga nahitabo sa Barcelona, Spain ning baguhay lang.
Busa nanawagan si Tagum sa publiko nag makigkooperar sa hugot nga inspeksyon nga himuon sa mga awtoridad ug giawhag niini ang tanan nga i-report kung dunay mamatikdang kadudahang lihok sa tao ug butang sa palibot.
Dunay mga Police Assistance Desks ang gimuntar sa kadalanan sa dakbayan aron daling marespondehan ang mga concerns sa publiko.
Kasamang Aimee Guinita
