General Santos City—Dako ang paglaum sa South Cotabato Police Office nga mahimong magmalampuson ang ilang gilusad nga Barkada Kontra Droga Training.
Sumala kang Police Chief Inspector Marvin Dua-Dua, ang labaw sa Community Relations Office ng South Cotabato Provincial Headquarters na tumong sa maong programa aron nga mapahibalo ngadto sa mga out-of-school youth ang mahimong epekto sa illegal drugs sa lawas sa tawo.
Dili ikalilong nga ang mga out of School youth maoy nag unang biktima sa naghitak nga druga mao nga sila ang gitutukan karon sa kapulisan aron nga malikay sila nga malambigit niini.
Dugang pagbutyag ni PCI Dua-dua nga ang barkada kontra druga maoy ilang gipuli sa Drug Abuse Resistance Education (DARE) program alang sa mga out-of-school.
Ang maong training sumala pa maghatag ug life skills development training alang sa mga benepisyaryo kansa makatabang matud pa sa mga kabataan nga malikay sa mga barkada ingon man sa iligal nga aktibidad sama sa droga.
Malipayon usab ang kapulisan sa probinsya sa kooperasyon nga gihatag sa mga kabataan ingon man ang suporta sa mga ginikanan sa ilang mga anak nga mupailawom sa maong training.
